Sosiedat Antiano di Beibel

Sosiedat Antiano di Beibel (SAB) ku tin su sede i sala di benta na Gaitoweg 3, ta un organisashon kristian, interkonfeshonal. E ta un fundashon non-profit, ku ta dediká su mes na distribushon efektivo di Palabra di Dios. Huntu ku SAB tin 144 Sosiedatnan di Beibel mas ront mundu, ku ta uní nan mes den un fraternidat mundial, ku ta karga e nòmber di United Bible Societies. Tur tin komo mishon logra un distribushon mas amplio i efikas di Palabra di Dios, i yuda hende interaktuá ku Palabra di Dios. SAB ta karga responsabilidat di sirbi e 6 islanan di Karibe Ulandes, esta Aruba Bonaire, St. Maarten, Saba i St. Eustatius, i Curaçao.